Թուրքիայի նախագահ Ռեջեփ Թայիփ Էրդողանը Ռուսաստանի նախագահ Վլադիմիր Պուտինին նախատել է այն բանի համար, որ վերջինը 1915 թվականի իրադարձությունները Հայոց ցեղասպանություն է կոչել:
«Առաջին անգամը չէ, որ Ռուսաստանն այդ հարցի շուրջ ցեղասպանություն բառն է օգտագործում: Չափազանց վշտացած եմ, որ Պուտինը դիմեց այդ քայլին: Այն, ինչ տեղի է ունենում Ուկրաինայում եւ Ղրիմում, անհերքելի է: Ցեղասպանություն բառն օգտագործելուց առաջ նրանք պետք է նախ պարզաբանեն, թե ինչ է տեղի ունենում այնտեղ»,- Էրդողանի հայտարարությունն է մեջբերում Reuters գործակալությունը:
Հիշեցնենք, որ ապրիլի 24-ին Ռուսաստանի նախագահն այցելեց Երեւան՝ մասնակցելու Հայոց ցեղասպանության 100-րդ տարելիցի հիշատակի արարողություններին: Նա նաեւ ելույթ ունեցավ Ծիծեռնակաբերդում անցկացված սգո արարողության ժամանակ: