Ռուսաստանի Անվտանգության խորհուրդն առաջարկել է ֆինանսական շուկայի զարգացման ճանապարհով սահմանափակել երկրում արտարժույթի օգտագործումը: Խորհրդի անդամները Կենտրոնական բանկին եւ կառավարությանը խորհուրդ են տվել բանկային համակարգի լիկվիդայնության եւ կապիտալիզացիայի, ինչպես նաեւ տարածաշրջանային բանկերի կայունության ապահովման ուղղությամբ միջոցներ ձեռնարկել:
Վերջին կես տարվա ընթացքում դոլարի փոխարժեքը ռուբլու հանդեպ կտրուկ աճել է: Դեկտեմբերի կեսերին, 2014 թվականի կեսերի համեմատ, աճը կազմել է գրեթե 100%: Lenta.ru-ն հիշեցրել է, որ դոլարի գինը հասել է 80 ռուբլու սահմանագծին:
Ռուսաստանում ներկայում արտարժույթի գնման, վաճառքի կամ պահելու մասին օրենսդրություն գոյություն չունի: Միաժամանակ, արտարժույթով գործարքներն արգելված են, իսկ ապրանքներ եւ ծառայություններ առաջարկողները պարտավոր են գները ռուսական ռուբլով նշել: