Google-ի քարտեզի վրա անպարկեշտ նկարն արել է ոչ թե աշխատակիցը, այլ կողմնակի օգտատերը՝ Map Maker հավելվածի օգնությամբ: Այս մասին Washington Post-ին տեղեկացրել է կորպորացիայի ներկայացուցիչը:

Ավելի վաղ Apple Insider-ը հաղորդել էր, Սոան գետի շրջանում (Պակիստան) Google-ի քարտեզների վրա նկար է հայտնվել, որի վրա Android-ի (ռոբոտ) տարբերանշանը Apple-ի նշանի վրա բնական կարիքն է հոգում: Նկարն արդեն ջնջել են քարտեզից:

Ռեսուրսը նշում է, որ նկարը հայտնվել է Apple Watch ժամացույցի վաճառքի օրը՝ ապրիլի 24-ին: