«Իրատես de facto» թերթը գրում է. «Մինչ ապրիլի 24-ը «սառեցված» ներքաղաքական կյանքը շուտով «հալվելու» է: Հալոցքի հետ մեկտեղ «ջրի երես» են դուրս գալու նաեւ տեւական ժամանակ խմորված ինտրիգները: Քանի որ ընդդիմադիր դաշտում մարդ ու գործընթաց դույզն ինչ չեն մնացել, բոլոր զարգացումները տեղափոխվել են իշխանական դաշտ:

ՀՀԿ-ում սկսել են իրար լավ չհասկանալ: Դժգոհողների նոր ալիք է հասունանում, սակայն «ապստամբները» դեռ լուռ են: Բայց հերիք է առիթ լինի, եւ նրանք իրենց կարծիքը «համապատասխան տեղում» կհայտնեն եւ կհիշեցնեն: «Ընդդիմադիր» ՀՀԿ-ականների հիմնական «թիրախը» սոցիալ-տնտեսական վիճակն է ու դրա ոչ ճիշտ կառավարումը: Նրանց դիտարկմամբ, երկրում ավելի վատ տնտեսական պայմաններ են, քան տարիներ առաջ ֆինանսատնտեսական ճգնաժամի օրերին:

ՀՀԿ «գանգատվողները» վստահեցնում են, որ այս վիճակը շատ լավ գիտակցում է նաեւ երկրի ղեկավարությունը, եւ առաջիկայում հնարավոր են որոշ փոփոխություններ ոչ միայն քաղաքականության, այլեւ որոշակի պաշտոնյաների առումով»:

Առավել մանրամասն՝ թերթի այսօրվա համարում