ՆԱՏՕ-ն ավելի քան երկու անգամ կավելացնի արձագանքման ուժերի թվակազմը՝ 13 հազարից հացնելով 30 հազարի: Այս մասին հայտնել է ՆԱՏՕ-ի գլխավոր քարտուղար Յենս Սթոլթենբերգը՝ Պորտուգալիայի ԱԳ նախարար Ռուի Մաշետեի հետ հանատեղ ասուլիսի ժամանակ:
«Մենք բախվել ենք Եվրոպայում անվտանգության իրավիճակի կտրուկ փոփոխության հետ: Ռուսաստանը Ուկրաինայի նկատմամբ իր ագրեսիվ գործողություններով խախտել է անվտանգության միջազգային կանոնները»,-ասել է նա՝ հավելելով, որ ՆԱՏՕ-ն հարմարվում է նոր խնդիրներին, որպեսզի պաշտպանի Դաշինքի անդամ երկրներին, հաղորդում է Lenta.ru-ն:
Ապրիլի 22-ին ԱՄՆ պետքարտուղար Ջոն Քերրին հայտարարել է, որ մայիսի 13-14-ին Թուրքիայի Անթալիա քաղաքում կայանալիք ՆԱՏՕ-ի անդամ երկրների ԱԳ նախարարների գագաթաժողովի գլխավոր թեմաներից մեկը կլինի Ռուսաստանի մասնակցությունն Ուկրաինայի արեւելքում ընթացող հակամարտությանը:
