Նեպալում տեղի ունեցած երկրաշարժը անդրադարձել է երկրի 39 շրջաններում բնակվող 8 մլն մարդու վրա։ Այս մասին տեղեկացնում է ՄԱԿ-ը։
Համաձայն նախնական տվյալների՝ մոտ 2 մլն մարդ բնակվում է առավել տուժած 11 շրջաններում։ Մայրաքաղաք Կատմանդուում 21 վրանային ճամբար են խփել, որտեղ տուժածներին անհրաժեշտ օգնություն են ցուցաբերում։
Կազմակերպության տեղեկություններով՝ տարածաշրջանում խմելու ջրի, սննդի եւ առաջին օգնության առարկաների պակաս է զգացվում։
Նեպալում երկրաշարժի հետեւանքով զոհերի թիվը հասել է 4353-ի։ Երկրի վարչապետ Սուշիլու Կոիրալուն հայտարարել է, որ զոհերի թիվը կարող է հասնել 10 հազարի, գրում է Gazeta-ն։
Հիշեցնենք, որ 7.9 մագնիտուդով երկրաշարժը տեղի էր ունեցել շաբաթ օրը առավոտյան Նեպալում։