ԱՄՆ-ում նորածինների ավելի քան 1/3-ը սմարթֆոններից ու պլանշետներից սկսում է օգտվել ավելի վաղ, քան սովորում է քայլել կամ խոսել։ Իսկ մեկ տարեկան հասակում թվային սարքավորումների հետ արդեն անցկացնում է առնվազն 1 ժամ։ Նման եզրակացության են եկել ամերիկացի մանկաբույժները։ Հետազոտողները հարցում են անցկացրել կես տարեկանից 4 տարեկան երեխաների ծնողների շրջանում։ Քալիֆորնիայի հիվանդանոցի հաճախորդ ծնողները նշել են, թե ինչ բջջային սարքավորումներ կան իրենց տանը, ինչ տարիքում են նրանց երեխաները առաջին անգամ այդ սարքը իրենց ձեռքը վերցրել եւ ինչ են անում դրանց հետ հիմնականում։

Պարզվել է, որ մեկ տարեկանից ցածր երեխաները ակտիվորեն օգտվում են սարքավորումներից։  Փոքրիկների 52 տոկոսը հեռուստահաղորդումներ է նայում, 36 տոկոսը խաղում է թաչսքրինով, 24 տոկոսը զանգահարում է բջջային հեռախոսներով, 15 տոկոսը օգտվում է բջջային հավելվածներից, իսկ 12 տոկոսը վիդեոխաղեր է խաղում։ 2 տարեկան հասակում բջջային սարքավորումից արդեն օգտվում է երեխաների ճնշող մեծամասնությունը, հայտնում է Lenta-ն։