Մոսկվայի «Շերեմետեւո» օդանավակայանում, այսօր՝ ապրիլի 28-ին, վատ եղանակային պայմանների պատճառով մոտ 30 օդանավեր չեն կարողացել վայրէջք կատարել:
Օդանավակայանի ներկայացուցչի խոսքով, հնարավոր են հետաձգումներ եւ չվերթների ժամերի փոփոխություններ, քանի որ օդանավերը վերադառնում են իրենց ելքի օդանավակայաններ: Ամենայն հավանականությամբ, օդանավակայանում թռիչքների սովորական գրաֆիկի կանցնեն Երեւանի ժամանակով 13.30-ին:
Ուղեւորներից մեկը պատմել է, որ իրենց օդանավը վայրէջք է կատարել Պուլկովոյի օդանավակայանում: «Մեզ իջեցրին Պետերբուրգում, նստած ենք օդանավում: Մեզ ասացին, որ Մոսկվայում ամպամած է, տեսանելիությունը վատ է: Չեն թողնում թռչել, վայրէջքի իրավունք չեն տալիս»,-ասել է նա: