Մեծի Տանն Կիլիկո Կաթողիկոսությունն այսօր՝ ապրիլի 28-ին, դիմել է Թուրքիայի Սահմանադրական դատարան՝ պահանջելով վերադարձնել Կիլիկիայի պատմական հայկական թագավորության տարածքում գտնվող Սիսի նստավայրը և կալվածքները: Այս մասին տեղեկանում ենք Կաթողիկոսարանի դիվանից:
Նշենք, որ Մեծի Տանն Կիլիկիո կաթողիկոս Արամ Ա-ն Թուրքիայի Սահմանադրական դատարան դիմելու մասին հայտարարել էր սեպտեմբերի 19-ին «Հայաստան-Սփյուռք» 5-րդ համաժողովի ժամանակ:
«Չենք կարող անտարբեր մնալ մեր ազգին բռնաբարված իրավունքների նկատմամբ. անտարբերությունը ազգային դավաճանություն է։ Հետեւաբար, կոչված ենք 100-ամյակը բարձրագույն աստիճանի պատասխանատվությամբ նշելու ու այն արժեւորելու այնպիսի իրագործումներով, որոնք մնայուն հետք են թողնում ու նոր հունավորում են տալիս Հայ Դատի հետապնդման աշխատանքներին»,-ասել էր նա: