Մայր Աթոռ Սուրբ Էջմիածնի Հրատարակչական բաժինը լույս է ընծայել Մայր Աթոռ Սուրբ Էջմիածնի միաբան Հոգեշնորհ Տ. Մեսրոպ վարդապետ Պարսամյանի «Լինել Աստված (մարդու աստվածացման եռաստիճան ճանապարհն ըստ Ս. Ներսես Շնորհալի Հայրապետի վարդապետության)» գիրքը:
Մայր Աթոռ Սուրբ Էջմիածնի տեղեկատվական համակարգից հայտնում են, որ գրքում ներկայացված է Սբ Ներսես Շնորհալու քրիստոնեական վարդապետության հայացքների ամբողջական եւ համակարգված վերլուծությունը մարդու աստվածացման վերաբերյալ: Մեսրոպ վարդապետը նաեւ համադրում ու վերլուծում է ինչպես Ընդհանրական, այնպես էլ Հայ Եկեղեցու հայրերի ու վարդապետների բոլոր տեսակետները քրիստոնեական վարդապետության այս կարեւորագույն դրսեւորման մասին:
Աշխատությունը տպագրվել է «Սարգիս Գաբրիելյան» հիմնադրամի հովանավորությամբ: