Ուկրաինայի նախագահ Պյոտր Պորոշենկոն հայտարարել է, որ պատերազմը երկրում Ուկրաինայում կարող է վերսկսվել «ցանկացած պահի»: Այս մասին նա հայտարարել է ի պաշտպանություն Ուկրաինայի միջազգային կոնֆերանսի ժամանակ, որը մեկնարկել է այսօր՝ ապրիլի 28-ին, Կիեւում:
«Մինչ օրս մեր գլխին կախված է պատերազմի սպառնալիքը: Պատերազմը կարող է սկսվել ցանկացած պահի, բայց մենք պատրաստ ենք անել հնարավորը, որպեսզի կասկածի ու նահանջի հնարավորություն չլինի»,-հայտարարել է Պորոշենկոն:
Միաժամանակ Ուկրաինայի նախագահը նշել է, որ փետրվարին ձեռք բերված մինսկյան համաձայնությունները պետք է ամբողջությամբ իրականացվեն:
Նրա խոսքով, Ուկրաինան հսկայական ներդրումային ներուժ ունի ագրոարդունաբերության համալիրում, էներգետիկայում, IT ոլորտում եւ ավիացիայում:
Պորոշենկոյից հետո ելույթ է ունեցել Ուկրաինայի վարչապետ Արսենի Յացենյուկը, ով նշել է, որ Ուկրաինան ընդամենը 30 մլրդ դոլարի միջազգային օգնություն է ստացել, մինչդեռ Հունաստանը 300 մլրդ դոլարի օգնություն է ստացել, սակայն այնտեղ «չկա պատերազմ, չկան ռուսական տանկեր եւ նրանք չեն պայքարում միջուկային տերության դեմ»: