Բանակում չծառայած ՀՀ քաղաքացիների հայրենիք վերադարձի հնարավորությունը երկարաձգել են մեկ տարով: «Հաստատված կարգի համաձայն զինվորական ծառայություն չանցած քաղաքացիների մասին» օրենքում համապատասխան փոփոխությունների նախագիծն այսօր՝ ապրիլի 28-ին, ԱԺ-ում ընդունվել է 107 կողմ, 4 դեմ եւ 1 ձեռնպահ (վերջին 5-ը ՀԱԿ խմբակցությունից են) ձայներով:
Օրենքն ընդունվել է 2003 թվականին, որը նախատեսում է, որ 27 տարին լրացած այն քաղաքացիները, որոնք խուսափել են բանակում ծառայելուց, ամեն զորակոչի համար (մինչեւ 27 տարին լրանալը) կարող են վճարել որոշակի գումար եւ վերադառնալ Հայաստան՝ առանց վախենալու քրեական հետապնդումից:
Ավելի ուշ օրենքի գործողության ժամկետը պարբերաբար երկարաձգվել էր մեկ տարով: Ներկա փոփոխությունն առաջարկում է երկարաձգել օրենքի գործողության ժամկետը մինչեւ 2014 թվականի զորակոչի ավարտը:
Ըստ այդմ, այն քաղաքացիները, որոնց 27 տարին լրացել է, կարող են վերադառնալ Հայաստան՝ վճարելով 200 հազար դրամ յուրաքանչյուր բաց թողնված զորակոչի համար:
