Խոշորագույն սոցիալական ցանցը՝ Facebook-ը, հաղորդագրությունների փոխանակման իր Messenger ծառայությանը տեսազանգերի հնարավորություն է ավելացրել, ինչը, փորձագետների կարծիքով, թույլ կտա նրան մրցակցել ինչպես Apple-ի Face Time-ի ու Google Hangouts-ի հետ, այնպես էլ առավել հայտնի Skype-ի հետ, վերջինս հիմա պատկանում է Microsoft-ին:
Այժմ Facebook-ի օգտատերերը կարող են տեսակապի սեանս սկսել մյուս օգտատերերի հետ մեկ կոճակ սեղմելով, այդ թվում գրագրության ժամանակ, հաղորդում է «Ինտերֆաքսը»:
Ներկայումս Facebook-ում տեսակապը հասանելի է iOS եւ Android պլատֆորմներում Բելգիայում, Մեծ Բրիտանիայում, Հունաստանում, Դանիայում, Իռլանդիայում, Կանադայում, Լաոսում, Լիտվայում, Մեքսիկայում, Նիգերիայում, Նորվեգիայում, Օմանում, Լեհաստանում, Պորտուգալիայում, ԱՄՆ-ում, Ուրուգվայում, Ֆրանսիայում, Խորվաթիայում: Սակայն սոցիալական ցանցը մտադիր է այս ցանկը համալրել այլ երկրներով: