Եվրամիության անդամ երկրների շրջանային իշխանությունները մտադիր չեն կասեցնել Ռուսաստանի հետ համատեղ իրականացվող նախագծերը, այլ պլանավորում են դրանք զարգացնել ու նորերը ստեղծել։ Այս մասին հայտարարել է ՌԴ արտգործնախարար Սերգեյ Լավրովը։
«Պլանավորվում է մինչեւ 2020թ. Ռուսաստանի եւ Եվրամիության միջեւ սահմանային համագործակցության նոր ծրագրեր նախապատրաստել։ Դա ցույց է տալիս, որ ներկա պայմաններում ԵՄ երկրների մեծ մասի շրջանային իշխանությունները մտադիր չեն կասեցնել համատեղ նախագծերը, այլ ցանկանում են զարգացնել դրանք եւ ստեղծել նորերը»,- մեջբերում է Լավրովի հայտարարությունը «ՌԻԱ Նովոստի»-ն։
Նշենք, որ 2014թ. մարտից Արեւմտյան երկրները մի քանի անգամ արդեն երկարաձգել են Ռուսաստանի դեմ գործող պատժամիջոցները։