Ռուսաստանի տնտեսությունը կաթվածահար չի եղեկ, թեեւ արտաքին պատժամիջոցների եւ նավթի գնի տատանման ազդեցությունը ընթացիկ տարվա ընթացքում դեռ շոշափելի կլինի։ Այս մասին Համառուսական ազգային ճակատ ֆորումի ժամանակ հայտարարել է ՌԴ նախագահ Վլադմիր Պուտինը։
ՌԴ նախագահը, վկայակոչելով մասնագետների կարծիքը, հայտարարել է, թե ճգնաժամային պահն արդեն անցյալում է։
«Սակայն դա չի նշանակում, թե հիմա ամեն բան դեպի լավն է գնալու։ Հնարավոր է, որ հետագայում նույնպես մենք կշարունակենք շոշափել դրա հետեւանքները։ Դրանք կանդրադառնան առանձին ցուցանիշներով»,- հավելել է Պուտինը՝ կարծիք հայտնելով, թե ռուսական տնտեսության հիմնարար ճյուղերը ամրապնդվել են։ Նրա խոսքով՝ երկրում տիրող կայուն իրավիճակն է նպաստել ռուսական ռուբլու դրական աճին։