2016 թվականին Երեւանում պետք է անցկացնել հայազգի տնտեսագետների եւ ճարտարագետների համաժողով։ Այդ մասին այսօր խորհրդարանում հայտարարել է ԲՀԿ խմբակցության պատգամավոր Միքայել Մելքումյանը։
Մասնագետները միասին պետք է քննարկեն Հայաստանի զարգացման տեսլականը երկարաժամկետ կտրվածքում՝ մինչեւ 2030 թվականը։ «Վատ է, որ չենք օգտագործում բարձր հմտությունները, որոնց տիրապետում են մեր մասնագետները։ Օրինակ, Տարոն Աճեմօղլուն, որը աշխարհի լավագույն 10 տնտեսագետներից մեկն է։ Արտերկրում այդ համաժողովը ազդակ կլինի, որ հայ ժողովուրդը ոչ միայն գնահատում եւ հիշումէ անցյալը, այլեւ նայում դեպի ապագան»,- ասել է պատգամավորը։
Առաջիկայում նա պաշտոնապես դիմելու է երկրի ղեկավարությանը իր առաջարկով։
