Ոստիկանությունը նոր մանրամասներ է հայտնել ապրիլի 5-ին Սեւան քաղաքի ցեմենտի գործարանի մոտ մահացած հայտնաբերված 44-ամյա Կառլեն Մնեյանի դեպքի մասին:
Ըստ ոստիկանության լրատվական ծառայության՝ ապրիլի 5-ին Երեւան-Սեւան մայրուղու վրա գտնվող ցեմենտի վաճառքի կետի հատվածում հայտնաբերվել է 44-ամյա Կառլեն Մնեյանի մարմինը: Պարզվել է, որ Մնեյանին ծեծելով սպանել են սեւանցիներ 37-ամյա Հմայակ Թադեւոսյանն ու 35-ամյա Արթուր Ալեքսանյանը, որոնք երկուսն էլ նախկինում դատապարտված են եղել:
Նրանց մեղադրանք է առաջադրվել Քրեական օրենսգրքի 104-րդ հոդվածի 2-րդ մասի 7-րդ եւ 10-րդ կետերով: Հայտարարվել էր հետախուզում:
Ապրիլի 22-ին ոստիկանները Երեւանում հայտնաբերել են Արթուր Ալեքսանյանին: Վերջինս կալանավորվել է:
Ոստիկանությունը ձեռնարկում է միջոցառումներ Հմայակ Թադեւոսյանին հայտնաբերելու ուղղությամբ:
Մանրամասները՝ ոստիկանության պատրաստած տեսանյութում: