Երեւանից Վանաձոր տանող մայրուղին (հանրապետությունում մեծությամբ 3-րդը) ահավոր վիճակում է։ Այս մասին ապրիլի 28-ին խորհրդարանում հայտարարել է անկուսակցական պատգամավոր, Էդմոն Մարուքյանը։
Նա նշեց, որ ղեկին նստնելով՝ մարդը հսկայական գին է վճարում վարորդ լինելու համար, եւ այդ գինը ճանապարհների ռիսկերն են։
«Եվ բացարձակ անհասկանալի է, որ ճանապարհներին տասնյակ տեսախցիկներ են տեղադրում։ Ճանապարհային երթեւեկության կանոնները խախտելու համար տուգանելուց առաջ պետք է այդ ճանապարհները տեսնեք»,- հայտարարեց Մարուքյանը։