Հայկական արտադրության ամրանը ներքին շուկայում կարողանում է մրցակցել արտասահմանյան ծագման ամրանների հետ։ Այս մասին «Պատրաստված է Հայաստանում» ցուցահանդեսի ժամանակ NEWS.am-ի թղթակցին հայտնել է «ԱՍԿԵ Գրուպ» ընկերության տնօրեն Գրիգոր Սարիբեկյանը։ Ընկերությունը ղեկավարում է 2013թ. Չարենացավանում բացված ամրանների գործարանը։
«Ընկերությունն աշխատում է միայն ներքին շուկայի համար. հարեւան Վրաստանում կա ամրանի 2 գործարան, եւ փոխադրումների ծախսատարության պատճառով շահավետ չէ հեռու տեղից փոխադրել այնպիսի խոշոր ապրանք, ինչպիսին ամրանն է։ Հենց այդ պատճառով ներքին շուկայում հայկական ամրանը մրցակցում է ներկրվածի հետ», հավելեց Սարիբեկյանը։
Նախքան 2008թ. (վերազինումից եւ վերաբացումից մի քանի տարի առաջ)գործարանը ամրանի պատրաստուք էր արտահանում Իրան։ Հիմա ընկերությունը գործում է ներքին շուկայում, սակայն արդեն պատրաստի ապրանքներով։
«Գործարանում արդեն 400 մարդ է աշխատում։ Գործարանը կարող է նաեւ հիմա դուրս գալ տարեկան 120 հազար տոննա նախագծային հզորության, սակայն արտադրության աճը սահմանափակ է տեղական փոքր սպառման շուկայով»,- պարզաբանեց նա։
