Սիրիայի Հալեպ քաղաքում գրոհայինները ռմբակոծել եւ ավերել են Սրբոց Քառասնից Մանկանց հայկական եկեղեցին։ Հալեպի հայ համայնքից NEWS.am-ին հայտնեցին, որ եկեղեցին գտնվում էր Հին Հալեպ թաղամասում՝ գրոհայինների եւ կառավարական զորքի շփման գծում։
Հալեպի Ալ-Ջդայդե փողոցում գտնվող, 15-րդ դարում կառուցված հայկական եկեղեցին գրեթե ամբողջությամբ ավերվել է։
Ավելի վաղ NEWS.am–ը հայտնել էր, որ օրեր առաջ Սիրիայի Հալեպ քաղաքի Սուլեյմանիա թաղամասի հրթիռակոծումից վիրավորվել է մի քանի հայ։ Հրթիռակոծումը զգալի նյութական վնաս է հասցրել։ Ահաբեկչական գործողությունների հետեւանքով տուժել է Հայ կաթողիկե եկեղեցու շենքը։Սուլեյմանիա եւ Սեյիդ Ալի թաղամասերի վա արձակված հրթիռների հետեւանքով վիրավորվել է 47 մարդ, այդ թվում՝ կանայք եւ երեխաներ։
Լուսանկարը՝ inews-ի ֆեյսբուքյան էջից