Նեպալում տեղի ունեցած երկրաշարժից հետո փլատակների տակից փրկել են 4 ամսական մի երեխայի։ Երեխան շենքի փլատակների տակ էր մնացել առնվազն մեկ օր։
Ինչպես հայտնում է CNN-ը, փրկարարները սկզբում չեն կարողացել գտնել նրան եւ որոշել են, որ երեխան մահացել է։ Սակայն որոշ ժամանակ անց փլատակների տակից երեխայի ճիչ են լսել եւ վերականգնել որոնումները։
Երեխան վնասվածքներ չի ստացել, բայց քաղցից սաստիկ հյուծվել է։ Բժիշկները նրա վիճակը կայուն են գնահատում։