Ապրիլի 29-ին, ժամը 10.45-ին, 40-ամյա մի կին բուժօգնության է դիմել հիվանդանոց եւ հայտնել, որ թիվ 23 երթուղու ավտոբուսի սրահում վայր ընկնելու հետեւանքով ստացել է «գոտկային սալջարդ եւ ուղեղի ցնցում»:
Կատարվում է քննություն:
***
Ապրիլի 29-ին, ժամը 13.00-ին, 57-ամյա մի տղամարդ «ձախ ձեռքի երրորդ մատի կոտրվածք» ախտորոշմամբ բուժօգնության է դիմել հիվանդանոց եւ հայտնել, որ նույն օրը Երեւանի Իսակովի պողոտայի թիվ 10 հասցեի մոտ վրաերթի է ենթարկվել անհայտ ավտոմեքենայի վարորդի կողմից:
Կատարվում է քննություն:
***
Ապրիլի 29-ին, ժամը 20.00-ին, Երեւանի Դավիթ Անհաղթի փողոցի թիվ 12 շենքի դիմաց «ՎԱԶ-2102» մակնիշի ավտոմեքենա է բախվել «Միցուբիշի» մակնիշի ավտոմեքենայի, ինչի հետեւանքով «ՎԱԶ-2102»-ի ուղեւորը մարմնական վնասվածքներով տեղափոխվել է հիվանդանոց:
Կատարվում է քննություն:
***
Ապրիլի 29-ին, ժամը 17.00-ի սահմաններում, Աբովյան-Կամարիս ճանապարհի 5-րդ կմ-ին «ՎԱԶ-2109» մակնիշի ավտոմեքենա է դուրս եկել ճանապարհի երթեւեկելի մասից եւ բախվել ճամփեզրի երկաթե սյանը, ինչի հետեւանքով վարորդը եւ 2 ուղեւորները մարմնական վնասվածքներով տեղափոխվել են հիվանդանոց:
Կատարվում է քննություն: