Շքեղ գրիչներ արտադրող իտալական հնագույն «Montegrappa» ընկերությունն Օսմանյան կայսրությունում իրագործված Հայոց ցեղասպանության 100-րդ տարելիցի առիթով «Էրեբունի Հոգեւոր» ինքնահոսերի շարք է թողարկել:
Ըստ «The National» պարբերականի, արծաթով եւ ոսկով զարդարված ինքնահոսերն արտադրվել են սահմանափակ քանակությամբ՝ 100 օրինակով, իսկ գինը սկսվում է 50 հազար դոլարից: Հայեցակարգը մշակել են ԱՄԷ-ի հայ համայնքի երկու ճանաչված անդամներ՝ Տիգրան Չաբլաքյանն ու Գրիգոր Ջաբուրյանը:
Նրանք հղացել են գաղափարն ու փոխանցել «Montegrappa» ընկերությանը: Նկարիչ Կոկո Կարապետ Սահակյանը մասնակցել է գրչի դիզայնի մշակմանը: Այն զարդարված է հայկական մշակույթի խորհրդանիշերով. նուռ, աղավնի, արտասուք:
