Ավստրալական Advanced Energy Storage ընկերությունը ուսապարկ է թողարկել, որոնք կարող են լիցքավորել գաջեթները: Դրանցում կա ճկուն մարտկոց, որն արտադրել է գիտական եւ արդյունաբերական հետազոտությունների ընկերակցությունը, հաղորդում է Mashable պորտալը:
Ընկերակցության անդամ Ադամ Բեսթը նշել է, որ ինովացիոն ուսապարկը երեք հիմնական մաս ունի՝ էներգիայի հավաքման համակարգ, որը էներգիան կուտակում է տիրոջ շարժումներից, ճկուն մարտկոց, որը պահպանում է էներգիան, եւ կտոր, որի մեջ կան էլեկտրալարեր: Վերջիններս կարելի է օգտագործել որպես մալուխ՝ էլեկտրոնային սարքերը (սմարթֆոն, պլանշետ եւ այլն) լիցքավորելու համար, հաղորդում է RG-ը:
