«Նավթոգազ»-ը Ստոքհոլմի դատարան հայց է ներկայացրել «Գազպրոմ»-ի դեմ՝ վնասների փոխհատուցման մասին: Այս մասին Facebook-ում գրել է Ուկրաինայի վարչապետ Արսենի Յացենյուկը:
«Տարանցման պայմանագրի գծով առաջին անգամ դատարան դիմելուց հետո կես տարվա ընթացքում միջազգային փորձագետներն ու իրավաբանները զգալի աշխատանք են կատարել, որպեսզի հստակ ապացուցեն, որ տարանցման պայմանագիրն անարդար է Ուկրաինայի հանդեպ, եւ «Գազպրոմ»-ն ավելի քան 10 մլրդ դոլար պետք է վճարի «Նավթոգազ»-ին՝ որպես վնասների փոխհատուցում»,- գրել է Յացենյուկը:
«Գազպրոմ»-ից ուկրաինական կողմի պահանջների ընդհանուր գումարը ներկայում կազմում է 16 մլրդ դոլար: