ԱՄՆ տիեզերական գերատեսչությունը՝ NASA-ն, եւ մասնավոր ամերիկական SpaceX ընկերությունը պլանավորում են եւս մեկ կարեւոր քայլ անել Dragon բեռնատար տիեզերանավի հիման վրա մշակվող նոր օդաչուավար տիեզերանավ ստեղծելու ուղղությամբ։ Մայիսի 6-ին նրանք կկատարեն անձնակազմի վթարային փրկության համակարգի առաջին փորձարկումը։

Ինչպես մամուլի ասուլիսի ժամանակ հայտարարել է SpaceX-ի նախագահ Հանս Քենիգսմանը, փորձարկման ժամանակ խցիկում կլինի Բասթեր անունով մանեքենը, որի կցված սենսորները  ցույց կտան, թե գերծանրաբեռնվածության ինչ խնդիրներ կարող են ունենալ կենդանի տիեզերագնացները նման արտակարգ իրավիճակների դեպքում, փոխանցում է ՏԱՍՍ-ը։