Մեքսիկայի Գվադալախարա քաղաքը մայիսի 1-ին քաոսի մեջ էր հայտնվել արգելափակված ճանապարհների եւ հրդեհված մեքենաների պատճառով։ Հալիսկո նահանգի՝ սպորտի զարգացման խորհուրդը որոշել է դադարեցնել Մեքսիկա-2015 ազգային օլիմպիադայի անցկացումը Գվադալախարայում բռնության աճի պատճառով։
Թմրամաֆիայի գործողությունների հետեւանքով զոհվել է 7 մարդ։ Նրանց թվում՝ 3 զինվորական, մեկ ոստիկան, 2 հանցագործ եւ մեկ պատահական անցորդ։ Եւս 15 մարդ վիրավորվել է։ Վնասվել է 11 բանկ, այրվել՝ 16 բենզալցակայան։
Հալիսկո նահանգի կառավարության ներկայացուցիչ Գոնսալո Սանչեսը այդ իրադարձությունները կապել էր հանցագործ աշխարհի պատասխան արձագանքի հետ, որը հանցագործ խմբավորումների դեմ իրականացվող «Հալիսկո գործողության» հետեւանքն է, փոխանցում է «ՌԻԱ Նովոստի»-ն։