2 Տու-95 տեսակի ռուսական ռազմավարական ռմբակոծիչ ներթափանցել են Ալյասկայում ԱՄՆ հակաօդային պաշտպանության նույնականացման գոտին, գրում է The Washington Free Beacon-ը՝ վկայակոչելով Պենտագոնի ներկայացուցիչներին։
Միջադեպը տեղի էր ունեցել ապրիլի 22-ին։ Ամերիկյան կործանիչները օդ չեն բարձրացվել։ ՀՕՊ նույնականացման գոտին որեւէ սուվերեն պետության տարածք չի համարվում
Տու-95 ռմբակոծիչների ներթափանցումը ԱՄՆ ՀՕՊ գոտի, ինչը ամերիկացի զինվորականները դիտարկում են իբրեւ գարնանային զորավարժությունների մեկնարկի նշան, այս տարի առաջին նման դեպքն էր, հաղորդում է Lenta-ն։