Նեպալում մայիսի 2-ին նոր ուժեղ երկրաշարժ է տեղի ունեցել։ Ինչպես տեղեկացնում է ԱՄՆ երկրաբանական ծառայությունը, երկրաշարժի ուժգնությունը եղել է 5 բալ։

Էպիկենտրոնը եղել է մայրաքաղաք Կատմանդուից 93 կմ հեռավորության վրա,  իսկ ստորգետնյա ցնցման օջախը՝ երկրի մակերեւույթից 10 կմ խորության վրա։ Զոհերի եւ ավերածությունների մասին տեղեկություններ չկան, հաղորդում է LifeNews-ը։

Հիշեցնենք, որ Նեպալի ավերիչ երկրաշարժը տեղի էր ունեցել ապրիլի 25-ի վաղ առավոտյան։ Համաձայն վերջին տեղեկությունների՝ զոհերի քանակը հասել է 6 հազարի, եւս 12 000 մարդ վիրավոր է։