Փարիզի փաստաբանների կոլեգիան, որը համագործակցում է Հայ փաստաբանների եւ իրավաբանների ֆրանսիական ընկերակցության հետ, Հայոց ցեղասպանության տարելիցի կապակցությամբ, մայիսի 27-ին Փարիզում կազմակերպելու է խորհրդաժողով՝ «20-րդ դարի ցեղասպանությունները՝ դրանց դատավորների առջեւ» վերտառությամբ։ Այդ մասին գրում է «Nouvelles d'Arménie»-ն։

Խորհրդաժողովի ընթացքում բանավեճեր եւ քննարկումներ են լինելու ցեղասպանագետների եւ  Փարիզի փաստաբանների կոլեգիայի անդամների միջեւ։ Քննարկվելու են Հայոց, հրեաների ցեղասպանությունները, նաեւ ցեղասպանությունները Ռուանդայում եւ Կամբոջայում։

Խորհրդաժողովին մասնակցելու են Թաներ Աքչամը, Ռեմոն Կեւորկյանը, Անեթ Բեքերը, Իվ Թերնոնը, Փարիզի փաստաբանների կոլեգիայի նախագահ Պիեր-Օլիվյե Սյուրը, փաստաբաններ Ալեքսանդր Ասլանյանը, Քրիստին Մարտինոն, Ժան Մարի Բիժժո-Դյուվալը, Ժերար Չոլակյանը։