ԱՄՆ Հելսինկյան հանձնաժողովի նախագահ, սենատոր Քրիս Սմիթը կոչ է արել ԵԱՀԿ բոլոր երկրներին, հատկապես Թուրքիային, Ադրբեջանին եւ Ուզբեկստանին, ազատ արձակել բանտերում գտնվող լրագրողներին։ Այդ մասին ասվում է Սմիթի հայտարարությունում, որն արվել է մայիսի 3-ի՝ Մամուլի ազատության համաշխարհային օրվա նախօրեին։
Նրա խոսքով, ԵԱՀԿ անդամ մի շարք երկրներում կառավարություններն օգտագործում են առավելագույն մշակված մարտավարություն՝ լրագրողներին ահաբեկելու եւ խոչընդոտելու համար, բացի այդ, քաղաքական ենթատեքստով կալանավորումներ են կատարվում։ «Նման վարքը անթույլատրելի է այն երկրների համար, որոնք հավատարիմ են Հելսինկյան եզրափակիչ ակտում արտացոլված հիմնարար ազատություններին եւ մարդու իրավունքներին։ Ուստի ես կոչ եմ անում ԵԱՀԿ բոլոր անդամներին, հատկապես Թուրքիային, Ադրբեջանին եւ Ուզբեկստանին, ազատ արձակել բանտերում գտնվող լրագրողներին»,- ասվում է հայտարարության մեջ։
Նշվում է նաեւ, որ մայիսի 5-ին Քրիս ՍՄիթը պատրաստվում է Կոնգրեսում ներկայացնել Մամուլի ազատության պաշտպանության 2015թ. ակտը։ Այն կոչ է անում ԱՄՆ նախագահին պատժամիջոցներ մտցնել մամուլի ազատությունը ոտնահարող պաշտոնյաների դեմ, ԱՄՆ-ում սահմանափակել այն եկրների գործունեությունը, որտեղ խախտվել են ամերիկյան լրագրողների իրավունքները։