Դքսուհի Քեյթին եւ Վիլյամին դուստր ունենալու կապակցությամբ շնորհավորել են թագավորական ռազմածովային ուժերի զինծառայողները։ Նրանք այդ մասին հայտնել են Twitter-ում եւ իրենց գրառմանը իլյուստրացիոն լուսանկար կցել։
Զինվորականները տախտակամածի վրա շարք են կանգնել այնպես, որ կազմել են sister (քույր) բառը։ Շնորհավորանքն ուղարկել են Քենսինգթոնյան պալատ, գրում է «ԱիՖ»-ը։
Նշենք, որ Քեմբրիջի դքսուհին այսօր աղջիկ է լույս աշխարհ բերել։ Երեխան կշռում է 3.7 կգ։ Արքայազն Վիլյամը ներկա է եղել կնոջ ծննդաբերությանը։