Չինաստանի Անխոյ գավառի Խուայբեյ քաղաքի մերձակայքում մայիսի 3-ին թեթեւ շարժիչով ինքնաթիռ է կործանվել: Վթարի հետեւանքով 2 մարդ է զոհվել, այդ թվում՝ ԱՄՆ քաղաքացի:
Տեղի իշխանությունների տվյալներով, ինքնաթիռը, որի օդաչուն ամերիկացի էր, տեղի օդանավակայաններից մեկից ուղեւրվելուց մի քանի րոպե անց ընկել է: Այս մասին գրում է ՏԱՍՍ գործակալությունը՝ վկայակոչելով Սինխուային:
Ոստիկանության հաղորդմամբ, ինքնաթիռի ուղեւորը Չինաստանի քաղաքացի էր: Հետաքննությունը փորձում է պարզել պատահարի հանգամանքները: