ՆԱՏՕ-ի հրամանատարությունն ուղիղ կապ է կազմակերպում ռուսական զինվորական ղեկավարության հետ: Այս մասին գրում է գերմանական Frankfurter Allgemeine Zeitung պարբերականը՝ վկայակոչելով Հյուսիսատլանտյան դաշինքի աղբյուրին: Պարբերականի փոխանցմամբ, այդ պրակտիկան լայնորեն կիրառվում էր սառը պատերազմի տարիներին, սակայն դրա ավարտից հետո երբեք չի օգտագործվել:
Դիվանագիտական աղբյուրի խոսքով, կապի հաստատման գործողությունն իրականացվում է խիստ գաղտնիության պայմաններում: Առայժմ հայտնի չէ, թե երբ այն կսկսի աշխատել: Աղբյուրը նաեւ նշել է, որ կապը շուրջօրյա հասանելի է լինելու:
Frankfurter Allgemeine Zeitung-ի տվյալների համաձայն, ուղիղ կապ հաստատելու նախաձեռնությամբ 2014 թվականի դեկտեմբերին հանդես է եկել Գերմանիայի ԱԳ նախարար Ֆրանկ-Վալտեր Շթայնմայերը: