Առաջիկա երկու տարիներին YouTube-ը վիդեոբլոգների հայտնի աստղերի մասնակցությամբ գեղարվեստական ֆիլմեր կնկարահանի: YouTube-ի պաշտոնական բլոգի տեղեկացմամբ, վիդեոծառայության կինեմատոգրաֆիական գործունեությունը կսկսվի АwesomenessTV ժամանցային ցանցի հետ պայմանագրի ավարտից հետո:

YouTube-ի ներկայացուցիչների կանխատեսմամբ, առաջին ֆիլմը կթողարկվի աշնան կեսերին: Հաջորդ երկու տարիներին ընկերության ղեկավարությամբ եւս մի քանի ֆիլմ կթողարկվի:

«Կարծում ենք՝ հարթակը պատրաստ է լայնամետրաժ ֆիլմերի ցուցադրությանը, այնպես որ՝ հիմա մենք ֆիլմեր կպատրաստենք YouTube-ի աստղերի մասնակցությամբ եւ նրանց իսկական կինոաստղերի կվերածենք»,- նշել են AwesomenessTV-ի ներկայացուցիչները: