Ամերիկյան Թեքսասի նահանգի Հարլենդ քաղաքում փոխհրաձգություն է տեղի ունեցել ցուցահանդեսային կենտրոնում, որտեղ խոսքի ազատության պաշտպանությանը նվիրված ակցիա էր տեղի ունենում: Մասնավորապես, ցուցահանդեսում ներկայացված էին Մուհամեդ մարգարեի ծաղրանկարները:
Ոստիկանությունից ամերիկյան CBS հեռուստաընկերության լրագրողներին հայտնել են, որ կրակ բացած երկու անձինք սպանվել են, անվտանգության աշխատակիցը վիրավոր է:
Հատուկ նշանակության ստորաբաժանման մարտիկները ցուասրահից տարհանել են մի քան տասնյակ մարդու: Նշվում է, որ ցուցահանդեսի ընթացքում Մուհամեդ մարգարեի լավագույն ծաղրանկարի մրցույթ էր տեղի ունենում: Մրցանակային ֆոնդը կազմում էր 10 հազար դոլար, հաղորդում է ՏԱՍՍ-ը:
Իշխանությունները մտահոգություն ունեն, որ դեպքի վայրում կարող են պայթուցիկ նյութեր լինել:
