Աթենքի արեւմուտքում գտնվող Կորիդալոս բանտում բախում է տեղի ունեցել ալբանացիների եւ պակիստանցիների խմբավորումների միջեւ: Բանտարկյալները ինքնաշեն զենք են կիրառել: Առնվազն երկու բանտարկյալ սպանվել է , 21-ը՝ վիրավորվել: Այս մասին հաղորդում է Հունաստանի արդարադատության նախարարությունը: կոնֆլիկտի պատճառներն անհայտ են:
Ինչպես հաղորդում է «ՌԻԱ նովոստին»՝ վկայակոչելով AFP-ն, 8 տուժածներ գտնվում են ծայրահեղ ծանր վիճակում: Բանտ են ժամանել մի քանի շտապօգնության մեքենաներ: