Կիեւում, այսօր՝ մայիսի 4-ի գիշերը ավտոլցակայանի վրա ավազակային հարձակում գործելու եւ 800 գրիվեն (38 դոլար) գողանալու մեջ կասկածվող անձանց ձերբակալության ժամանակ երկու ոստիկան է զոհվել: Այս մասին հաղորդում է Ուկրաինայի ՆԳՆ Կիեւի գլխավոր վարչության մամուլի ծառայությունը:
«Կասկածյալների ձերբակալման ժամանակ զոհվել է երկու ոստիկան, եւս 3-ը վնասվածքներով գտնվում են հիվանդանոցում: Հանցագործներից մեկը ձերբակալված է»,-ասված է մամուլի հաղորդագրությունում, որը հրապարակվել է Facebook-ում:
Նշվում է, որ այս գիշեր երկու անհայտ անձինք դիմակներով, զենքով սպառնալով ավազակային հարձակում են գործել ավտոլցակայանի վրա: Նրանք վիրավորել են լցակայանի աշխատակցի ձեռքը եւ դրամարկղից գողացել 800 գրիվեն (38 դոլար):