Արմավիրի մարզի Մրգաստան գյուղում ինքնասպանություն գործած 54-ամյա տղամարդը հոգեկան խնդիրներ ուներ: Այս մասին NEWS.am-ի թղթակցի հետ զրույցում ասաց Մրգաստանի գյուղապետ Ռաֆիկ Խաչատրյանը:
Նա նշեց, որ տղամարդը ամուսնացած էր, ունի երեք երեխա: Գյուղապետն ասաց, որ նա պարբերաբար հոգեբուժարանում ստացիոնար բուժում է ստանում: Թե ինչը կարող էր նրան դրդել ինքնասպանության, Ռաֆիկ Խաչատրյանն ասաց, որ որեւէ բան չգիտի նման քայլի պատճառների մասին:
Ավելի վաղ հայտնել էինք, որ Արմավիրի մարզի Մրգաստան գյուղում ինքնասպանություն է տեղի ունեցել: Մայիսի 3-ի գիշերը 54-ամյա բնակչին հայտնաբերել են տան նկուղում` կախված վիճակում:
NEWS.am-ին հայտնի է դարձել, որ տղամարդը առողջական խնդիրներ ուներ: Դիակի վրա բռնության հետքեր չեն հայտնաբերվել: Հանգամանքները պարզվում են:
