Նեպալում փրկարարները 100 մարդու մարմիններ են հայտնաբերել, որոնք մահացել են հզոր երկրաշարժի հետեւանքով տեղի ունեցած ձնահոսքից: Ավելի վաղ հաղորդվել էր, որ որոնողական ծառայությունները հայտնաբերել են 50 ալպինիստների մարմիններ:
Տեղի կամավորներն ու ոստիկանները բահերով մինչեւ 2 մետր խորությամբ փոսեր են փորում՝ մարմիններ հայտնաբերելու համար:
Ruters-ի տվյալներով մարմինները հայտնաբերվել են մայիսի 2-3-ին, մայրաքաղաք Կատմանդուից 60 կմ հեռավորության վրա գտնվող Լանգտանգ գյուղի մոտ:
Հիշեցնենք, որ ապրիլի 25-ին Նեպալում 7,9 մագնիտուդով ավերիչ երկրաշարժ է տեղի ունեցել, որին զոհ է գնացել ավելի քան 7 հազար մարդ:
