Մայիսի 2-ին, ժամը 10.30-ին, ոստիկանության Երեւան քաղաքի վարչության օպերատիվ կառավարման կենտրոնից Շենգավիթի բաժնում հաղորդում է ստացվել, որ իրենց է զանգահարել մի քաղաքացի եւ հայտնել, որ երեկ, ժամը 12.00-ին, Նոր Խարբերդի ամառանոցներում Արմենի տղաները ծեծել են Մուրադին, ով գտնվում է ծանր վիճակում:
Ոստիկանության մամուլի ծառայությունից հայտնում են, որ մեկնած օպերատիվ խմբին, ժամը 14.00-ին, 42-ամյա Մուրադ Բ.-ն հաղորդում է տվել, որ մայիսի 1-ի ժամը 23.30-ին, Նոր Խարբերդի Ա/Ը տանող ճանապարհի կամրջի մոտ, վիճաբանության ժամանակ, 48-ամյա Արմեն Հ.-ն բռունցքով հարվածել է իր աչքին` պատճառելով վնասվածք:
Նշանակվել է դատաբժշկական փորձաքննություն:
Մայիսի 2-ին, ժամը 14.05-ին, Արմեն Հ.-ն բերման է ենթարկվել բաժին:
Կատարվում է հետաքննություն: