Գերմանացի մեքենավարները մայիսի 4-ին մեկշաբաթյա գործադուլ են սկսել աշխատավարձի շուրջ բանակցությունների պատճառով։ Սա 10 ամիս շարունակվող բանակցությունների ընթացքում արդեն 8-րդ գործադուլն է։
Արհմիությունները պահանջում են մեքենավարների աշխատավարձը բարձրացնել 5 տոկոսով եւ շաբաթական աշխատանքային նորմատիվը 39 ժամից կրճատել մինչեւ 37 ժամի։
Deutsche Bahn գերմանական երկաթուղային ընկերությունը արհմիության պահանջը չափազանցված է համարում, փոխանցում է Cazeta-ն՝ վկայակոչելով BBC-ին։
Deutsche Bahn-ում աշխատում է մոտ 300 հազար մարդ, որից 196 հազարը՝ Գերմանիայում։ Գերմանիայի ներսում ուղեւորների ամենօրյա հոսքը կազմում է 5.5 մլն մարդ։