Էստոնիայում մայիսի 4-ին մեկնարկել են երկրի պատմության մեջ ամենախոշոր զորավարժությունները, որոնցում մասնակցում է ավելի քան 13 հազար զինծառայող։
Վարժանքները, որոնք ստացել են Siil 2015 անվանումը, կշարունակվեն մինչեւ մայիսի 15-ը։ Զորավարժություններին կմասնակցեն Կայտսելիյտ կամավոր միավորման անդամները, ժամկետային զինծառայողներ, կադրային զինծառայողներ եւ ՆԱՏՕ-ի դաշնակիցների զորքերը։
Զորավարժություններին մասնակցող սպաների թիվը աճում է 2012, 2013, 2014թթ. ծառայությունն ավարտած պահուստայինների հաշվին։