Մայիսի 3-ին, ժամը 23.00-ին, ոստիկանության Երեւան քաղաքի վարչության ՊՊԾ գնդի 3-րդ հատուկ գումարտակի ծառայողները Երեւանի Հերացու եւ Կորյունի փողոցների խաչմերուկից, կողոպուտ կատարելու կասկածանքով, Մարաշի բաժանմունք բերման են ենթարկել 18-ամյա Նարեկ Ս.-ին եւ ներկայացրել 16-ամյա Գառնիկ Զ.-ին ու 16-ամյա Յուրա Ա.-ին:
Ոստիկանության մամուլի ծառայությունից հայտնում են, որ պարզվել է, որ նույն օրը, ժամը 22.00-ին Հերացու փողոցում Նարեկ Ս.-ն բացահայտ հափշտակել է 37-ամյա Քրիստինե Բ.-ի պայուսակը, որի մեջ եղել է դրամապանակ, 10.000 ռուբլի եւ 3 բջջային հեռախոս:
Վնասի չափը պարզվում է:
Հափշտակվածն առգրավված է:
Կատարվում է քննություն:
