ԼՂՀ խորհրդարանական ընտրությունները այս երկրում ժողովրդավարական գործընթացների ապացույց է։ Այս մասին մայիսի 4-ին Ստեփանակերտում կայացած մամուլի ասուլիսի ժամանակ հայտարարել է Գերմանիայի Բրանդենբուրգ դաշնային հողի խորհրդարանի պատգամավոր Անդրեաս Կալբիցը։
Նրա խոսքով՝ իրենց դիտորդները այցելել են ոչ միայն այն երեք ընտրատեղամասերը, որոնք խորհուրդ են տվել իշխանությունները, այլ նաեւ նրանք, որոնք իրենք են ցանկացել։ «Մեր տեսածի արդյունքներով կարող եմ ասել, որ ԼՂՀ-ում ընտրությունները անցել են միջազգային նորմերին եւ օրենքի տառին համապատասխան»,- նշել է Կալբիցը։
Ինչ վերաբերում է նրան, որ ԼՂՀ այցելելուց հետո իրենք կարող են հայտնվել Ադրբեջանի «սեւ ցուցակում», դիտորդը հայտարարեց, որ առաջին անգամ է գտնվում Ղարաբաղում եւ տպավորված է երկրով եւ այն հանգամանքով, որ քաղաքացիները հետաքրքրված են քաղաքական գործընթացներով։ «ԼՂՀ ժողովրդավարական գործընթացներին աջակցելու ճանապարհին մեզ չեն հետաքրքրում Ադրբեջանի «սեւ ցուցակները»։
