Երեւանում մայիսի 16-ին՝ Թանգարանների օրը, կկայանա Հայաստանին վերաբերող քարտեզների հատուկ հավաքածուի ցուցադրություն։ Այս մասին մայիսի 4-ին կայացած մամուլի ասուլիսի ժամանակ հայտարարել է ՀՀ մշակույթի նախարար Հասմիկ Պողոսյանը։
Նրա խոսքով՝ հավաքածուն կցուցադրվի ոչ միայն Հայաստանում։ «Արտասահմանում Հայաստանի դեսպանատները քարտեզների հավաքածուն կներկայացնեն տարբեր պլատֆորմներով։ Հավաքածուն կազմել է գիտնական Ռուբեն Ղալիչյանը։ Այն համալրվել է նաեւ Հայոց ցեղասպանության եւ դրան հաջորդած ժամանակահատվածի քարտեզներով»,- նշեց նախարարը։
Նրա խոսքով՝ հավաքածուի շնորհիվ Հայաստանը կներկայացվի հնագույն ժամանակաշրջանից մինչեւ մեր օրերը։ «Ես կարծում եմ, որ դա նույնպես շատ կարեւոր քաղաքական հայտարարություն է»,- ընդգծեց նախարարը։
