Ավիացիոն անվտանգության եվրոպական գործակալությունը (EASA) եւ Օդային տրանսպորտի միջազգային ասոցիացիան (IATA) հայտարարել են ինքնաթիռների օդաչուների կրթության նոր պահանջների մասին, որոնք ուղղված են չվերթների ժամանակ միջադեպերի կանխարգելմանը:
«Օդանավի՝ տարածական բարդ իրադրությունում հայտնվելու կանխարգելմանը նախապատրաստվելու եւ դրանից դուրս գալու» (UPRT) պահանջների նպատակն է չվերթի ժամանակ անկանխատեսելի իրավիճակների հավանականությանն օդաչուների ավելի լավ նախապատրասմանը, որոնք կարող են հանգեցնել օդանավի կառավարման կորստին: Այս մասին ասված է EASA-ի մամուլի հաղորդագրությունում: Եվրոպական բոլոր ավիաընկերությունները պետք է մինչեւ 2016 թվականի մայիսը կատարեն EASA-ի եւ IATA-ի պահանջները:
«Անցնող տարիներին արձանագրված միջադեպերի թիվը ցույց է տալիս, որ տարածական բարդ իրավիճակում օդանավերի հայտնվելն ու կառավարումը կորցնելը շարունակում են ավիացիոն անվտանգության հիմնական խնդիրները մնալ, եւ դրանց պետք է բարձրագույն առաջնահերթություն տրվի»,- մամուլի հաղորդագրությունը մեջբերում է EASA-ի գործադիր տնօրեն Պատրիկ Կիի խոսքերը:
ՌԻԱ Նովոստիի փոխանցմամբ, ներկայում IATA-ն մանրամասն նյութեր է մշակում, որոնք կնպաստեն ասոցիացիայի եվրոպական անդամների կողմից UPRT-ի իրականացմանը:
