Ավստրալիայի կառավարությունը՝ վարչապետ Թոնի Էբոթի գլխավորությամբ 10 հազար ավստրալական դոլար կնվիրաբերի (շուրջ 7 հազար եվրո) լեռնային պարկամկների ուսումնասիրության համար՝ ի պատիվ բրիտանական արքայազն Ուիլյամի եւ դքսուհի Քեյթ Միդլթոնի դստեր ծննդյան:
Բացի այդ, ըստ The Sydney Morning Herald-ի, արքայադուստրն Ավստրալիայից որպես նվեր ծածկոց կստանա՝ ձեռքով ասեղնագործված ավստրալական ակացիայով՝ բրիտանական նախկին գաղութի խորհրդանիշով:
Ըստ Lenta-ի, լեռնային պարկամկները բնակվում են ավստրալական Վիկտորիա եւ Նոր Հարավային Ուելս նահանգներում: Վայրի բնության մեջ նրանց թիվը շուրջ 2 հազար է: Մարդու ափի չափով այդ կենդանիները շուրջ 45 դրամ են կշռում եւ ամենից հազվագյուտ պարկավոր կաթնասուններն են:
Քեմբրիջյան արքայադուստրը ծնվել է մայիսի 2-ին, Լոնդոնի Սուրբ Մարիամ հիվանդանոցում: