Բելառուսական շինարարական ընկերություններին, անկասկած, կհետաքրքի Հայաստանից երեսպատման քարերի ներկրումը: Այս մասին Երեւանի Առեւտրա-արդյունաբերական պալատում հայ եւ բելառուս գործարարների հետ հանդիպման ժամանակ հայտարարեց Հայաստանում Բելառուսի դեսպան Ստեպան Սուխորենկոն:
«Հայաստանը բաց երկնքի տակ ուրույն հարթակ է, որտեղ ամենատարբեր տեսակի բազմաթիվ քարեր կան: Իսկ մեր շինարարները երեսպատման քարեր են ներկրում Իսպանիայից կամ Իտալիայից, նաեւ Չինաստանից: Բայց կա Հայաստանը, եւ հիմա այն Եվրասիական տնտեսական միությունում է: Ապրանքների տեղափոխումը մեր երկրների միջեւհիմա ավելի դյուրին է: Բելառուսը հայկական քար դեռեւս չի ներկրել: Կարծում եմ՝ ճիշտ ժամանակն է, որ մեր շինարարները ճանաչեն ու գնահատեն այն»,- հայտարարեց դեսպանը: