Պապուա Նոր Գվինեայի ափերի մոտ մեկ ժամում երեք հզոր երկրաշարժ է տեղի ունեցել, հաղորդում է Ռուսաստանի Գիտությունների ակադեմիայի Սիբիրի բաժանմունքի երկրաֆիզիկական ծառայությունը:
5,9 մագնիտուդով երկրաշարժը տեղի է ունեցել մայիսի 5-ին, Երեւանի ժամանակով 06.40-ին, Նոր Բրիտանիա կղզու Կիմբե քաղաքից 200 կմ դեպի հյուսիս-արեւելք: Այն իր ինտենսիվությամբ գնահատվել է «ավերիչ»:
Դրանից առաջ Երեւանի ժամանակով 05.54-ին, գրանցվել է եւս մեկ երկրաշարժ՝ 6,4 մագնիտուդով, որի էպիկենտրոնը գտնվել է Կիմբից 196,5 կմ հեռավորության վրա:
Ամենահզոր երկրաշարժը՝ 7,1 մագնիտուդով, գրանցվել է ժամը 05.44-ին, Նոր Բրիտանիա կղզու հարավային ափերի մոտ: Այն եւս գնահատվել է «ավերիչ»: